गोकुळ हे एक छोटेसे पण श्रद्धा, अध्यात्म आणि एकात्मतेने नटलेले गाव आहे. गावाच्या पायथ्याशी एक टोकाला वाहणारी पवित्र केळणा नदी आणि दुसऱ्या टोकाला उभी असलेली एक उंच , हिरवळीने नटलेली टेकडी हे गोकुळ गावाचे नैसर्गिक सौंदर्य वाढवतात. ही टेकडी केवळ भौगोलिक रचना नसून, ती गावकऱ्यांच्या श्रद्धेचे आणि आस्थेचे केंद्र आहे.
या पवित्र टेकडीवर श्री नवनाथ महाराजांची मूर्ती आणि पीर बाबांची समाधी एकाच ठिकाणी विराजमान आहेत. हे दृश्य गोकुळ गावाच्या संस्कृतीचे खरे प्रतीक आहे. येथे धर्म, जात, पंथ यांची भिंत नसून फक्त श्रद्धा आणि मानवतेचा संगम दिसतो.